Gee, Gulo!

habang nasa sasakyan kami ni Sir Josh (nakaya nya pang magmaneho), nagkukwentuhan kami tungkol sa mga kung anu-anong bagay. kaswalan lang na tanong sagot tanong sagot tanong sagot. habang nasa sasakyan, nag-ring ang telepono ko.

si Sir Philip.

"hello?"

"uy, nasaan ka na?"

"kasama ko po si Sir Josh. papunta po kami sa kanila."

"ha? can you go back here?"

"bakit po?'

"basta. sabihin mo kay Josh, may naiwan ka."

"may naiwan po ba ako?"

"basta. punta ka dito. text me pag malapit ka na ha. magtaxi ka na."

at ibinaba ni Sir Philip ang telepono.

"si Philip ba yun?" tanong ni Sir Josh.

"opo."

"bakit daw?"

"bumalik daw ako dun."

"hay naku. si Philip talaga. teka nga. matawagan."

tinawagan ni Sir Josh si Sir Philip. at minabuti ko nang hindi makinig sa usapan. nag-sounds na lang ako, todo volume, para di ko marinig yung conversation nila. pero sa hitsura ng mukha ni Sir Josh, parang inaasar nya si Sir Philip.

"okay na" sabay ngiti si Sir Josh habang tuloy tuloy sa pagmamaneho. di na ako nag-usisa kung ano yun.

maya maya pa, tumawag na naman si Sir Philip.

"hello?"

"bakit sinabi mo kay Josh na ako kausap mo?"

"tinanong nya po eh."

"punta ka na lang dito, dali."

"pero naka-oo na po ako kay Sir Josh eh."

"doblehin ko bayad. magkano ba offer nya?"

"ah... eh..."

nagulat ako ng biglang itinigil ni Sir Josh ang sasakyan sa gilid at inagaw ang telepono ko.

"uy, Philip... sa akin na muna sya tonight. bukas na lang sya dyan." bati ni Sir Josh sa telepono, nakangisi pa.

hindi ko naintindihan ang sinabi ni Sir Philip, basta naririnig ko na lang na sumisigaw sya.

"hush. hush. he'll be there tomorrow. o sya, we're near our place na. bye na muna. good night! great party!"

ibinaba ni Sir Josh ang tawag... at pinatay ang telepono ko bago ito iabot sa akin.

"eto. keep it in your bag. don't turn it on."

"ano po bang problema sir?" naguguluhan at kinakabahan na ako sa nangyayari.

hindi sumagot Sir Josh. kinuha nya ang wallet nya mula sa bulsa nya, kumuha ng pera, at iniabot sa akin. limang libo.

"there! you're paid for the night."

"pero sir... bakit ba galit si Sir Philip?"

"wag nang maraming tanong. basta you're mine tonight, okay?" medyo pasinghal na sagot ni Sir Josh.

di ko maiwasang magulat at medyo matulala. kinuha ko na lang ang pera, inilagay sa wallet ko, at tumahimik. pero di ko maiwasang manginig sa takot. ano ba itong pinasok ko?

napansin yata ni Sir Josh ang pagkatulala at pagkagitla ko. hinawakan nya ang kamay ko at tsaka nag-sorry.

"hey! relax. sorry. i'll explain everything later. okay ka lang?"

"nakakatakot kayo sir. ano po bang nangyayari?"

"basta. later. relax ka lang dyan. we're near na."

"okay po."

hinawakan nya ng mahigpit ang kamay ko all throughout our travel papunta sa place nya. hanggang sa dumating nga kami sa pad nya. bumaba sa parking, at dumiretso paakyat sa condo. hawak nya pa rin ang kamay ko.

dumating kami sa unit ni Sir Josh. sobrang ganda. halatang mayaman. hindi lang pala mayaman. mayamang mayaman! ilang kilometro pa yata yung nilakad namin from the main door para makarating sa bed nya. nadaanan namin ang sala nya, ang isa pang sala, malaking dining area, at isang maliit na room na hindi ko nasilip, bago kami umabot sa kwarto nya na kasing-laki na halos ng bahay namin sa rizal.

"just leave your things there" sabay turo sa lamesa sa tabi ng aquarium.

inilapag ko ang mga gamit ko... pero wala pa rin akong imik.

"wait lang ha. just relax, feel at home." habilin ni Sir Josh bago sya lumabas, habang sumisigaw ng "manang! manang!"

umupo ako sa upuan na katabi ng lamesa na katabi ng aquarium. pinagmasdan ang mga isdang palangoy-langoy. ilang segundo pa, ayan na ulit si Sir Josh.

"wine?" alok nya sa akin.

"okay lang po."

at pumunta si Sir Josh sa isa pang lamesa na malapit sa malaking kurtina, nagsalin ng wine sa dalawang basong naka-prepare na dun, sabay hila ng kurtina. tumambad sa mata ko ang napakagandang overlooking ng makati. di ko maiwasang mamangha.

"halika dito." pag-aya ni Sir Josh palapit sa kanya.

"ang ganda... ang ganda naman ng view dito."

"yeah... nakakarelax... pantanggal stress."

at umupo ako sa bangkong kapares ng lamesa. sa kabilang bangko naman si Sir Josh. inom lang kami ng wine habang nakatitig sa overlooking. tahimik na hinihigop ang pulang likido na laman ng mga baso namin. ng binasag ni Sir Josh ang katahimikan.

"he's my ex."

"po?"

"si Philip. he's my ex partner."

"ahhh..."

yun na lang ang naisagot ko, pero di ko pa rin na-gets kung bakit kailangang magsigawan sila sa telepono.

"but i still love him." napansin kong medyo nangilid ang luha ni Sir Josh.

"okay po..."

"ang sakit kasi eh..."

at nagsimula nang magkwento si Sir Josh.

limang taong magkarelasyon si Sir Josh at si Sir Philip. maganda naman daw ang relasyon nila dati. everyone thought nga na forever na sila. pero may nangyaring nakasira ng matagal nilang relasyon.

"nagloko kaming pareho."

"paanong nagloko?"

"he had his other half, i had mine."

"okay."

"pero ayaw pa naming tapusin ang relasyon namin. alam naming stage lang yun."

"pero bakit po natapos?"

"his other half is persistent."

alam ng third party ni Sir Philip ang tungkol sa kanila ni Sir Josh. at makapal ang mukha nitong papiliin si Sir Philip kung si Sir Josh ba o sya ang pipiliin nya.

"and he chose the bitch. he chose that gold digger. he chose that masseur."

kinabahan ako sa huling statement ni Sir Josh... so masahista pala ang third party ni Sir Philip. napansin yata ni Sir Josh ang pangamba ko.

"don't worry... he's not like you. not even close."

"kasi hindi maganda katawan ko?"

"well... yun lang ang lamang nung guy sayo. but he doesn't look decent. mukhang barumbado. at parang hindi man lang nakatuntong ng high school."

di ko alam kung mapa-flatter ako. well, actually... hindi ko na alam kung anong dapat kong isipin that time. hinayaan ko lang magkwento si Sir Josh.

"i can't accept the fact na ipinagpalit nya ang 5-year relationship namin para sa kati nya. dahil ba hindi na ako nakakapagperform sa kama? dahil ba hindi ko na sya nasasatisfy?"

medyo TMI na ang mga naririnig ko, pero nakikinig pa rin ako. tuloy tuloy lang sa pagkukwento si sir. hanggang sa bigla na lang syang tumahimik, napatungo, at huminga ng malalim.

"sorry... i'm blurting out too much. lasing na nga yata ako."

"okay lang yan sir. siguro po dapat magpahinga ka na."

"siguro nga. i had too much. ikaw kasi, abot ka ng abot ng alak sa akin kanina eh."

"hehe. sorry po. massage ko na lang kayo."

"no need."

"pero sir, binayaran nyo po ako ah."

"it's okay. gusto ko lang asarin si Philip. i know he likes you."

"naku! hindi naman po siguro. walang wala po ako kumpara kay Chip and Dale."

"hahaha! pa-humble ka pang bata ka. i know Philip. alam ko pag gusto nya or hindi ang isang masseur."

"ganun po ba? hehe... nakakahiya naman po. so, hindi po kayo magpapaservice?"

"well, a companion to sleep for the night is not bad."

"okey po. pero sir, ang laki nung ibinayad nyo sa akin."

"it's okay. malalaman mo yung worth nyan tomorrow. tara, okay lang ba samahan mo ako mag-shower, then let's sleep na?"

"sige po."

naligo kami ni Sir Josh, at pagkatapos ay humiga na kami. yumakap sya sa akin at wala pang ilang minuto ay nakatulog na sya. pero ako ay dilat na dilat pa rin sa kakaisip sa isang bagay.

"malalaman mo yung worth nyan tomorrow."

to be continued...